Srisailam: శ్రీశైలం ప్రాశస్త్యం
- శ్రీశైల క్షేత్రంలో పంచాక్షరీ ప్రతిధ్వనిస్తూ ఉంటుంది.
- శ్రీశైల క్షేత్రం ఒక్క భూమండలానికేకాక సర్వ జగత్తుకు గరిమానాభి అని వేదోక్తి.
- శ్రీశైల క్షేత్రంలో నలభై నదులు, అరవై కోట్ల తీర్థరాజాలు, పరశురా, భరద్వాజ మహర్షుల తపోవన సీమలు ఉన్నాయి.
- చందా కుండ, సూర్య కుండాది పుష్కరిణులు, వృక్ష సంతతలు, అనేక లింగాలు, అద్భుత ఔషదాలు ఉన్నాయి.
- బ్రహ్మగిరి, విష్ణుగిరి, రుద్రగిరి అనే మూడు పర్వతాలకు పాదాభివందనం చేస్తూ వేదఘోషను స్ఫురింపచేస్తూ కృష్ణవేణి నది పాతాళ గంగ పేరుతో ఇక్కడ ఉత్తరవాహినిగా ప్రవహిస్తోంది.
- అష్ఠాదశ పురాణాలలో, రామాయణ భారతాది, ఇతిహాసాలలో శ్రీశైల వైభవం స్తుతుల్ని అందుకుంది.
- కృతయుగంలో హిరణ్యకశిపుడు శ్రీశైలాని తన పూజామందిరంగా చేసుకున్నాడు.
- ఈ క్షేత్రంలో సీతారాముల ప్రతిష్టించిన సహస్రలింగాలు, పాండవులు సంస్థాపించిన సద్యోజాత లింగం, పంచపాండవ లింగాలు పూజలు అందుకుంటున్నాయి.
- అరవై నాలుగు అధ్యయాలు ఉన్న స్కందపురాణంలోని శ్రీశైల ఖండం, ఈ క్షేత్ర మహిమను వివరిస్తోంది.
- ఆదిశంకరులు కొంతకాలం ఇక్కడ తపస్సు చేసి శివానంద లహరిని రచించాడు.
- భ్రమరాంబ సన్నిధిలో శ్రీ చక్రాన్ని ప్రతిష్టించారు.
- దత్తావతారమైన నృసింహసరస్వతి స్వామి శ్రీశైల మహత్యాన్ని వివరిస్తూ తన పాదుకలు పట్టుకున్న తంతుడు అనే భక్తుడికి ఈ క్షేత్ర దర్శన భాగ్యాన్ని కలిగించినట్లు గురు చరిత్ర చెబుతోంది.
- నృసింహసరస్వతి స్వామి ఇప్పటికి కదళీవనంలో ఉన్నట్లు భక్తులు విశ్వసిస్తారు.
- శ్రీశైలంలో పంచ మఠాలు ప్రాచీనమైనవి. అవి ఘంటా మఠం, విభూతి మఠం, రుద్రాక్ష మఠం, సారంగ మఠం, నది మఠం.
Comments
Post a Comment